ده‌سته‌یا وه‌به‌رهێنانێ : دێ پێداچوونێ د سلامه‌تییا ئاڤاهییێن هه‌رێما كوردستانێدا كه‌ین

سه‌رۆكێ ده‌سته‌یا وه‌به‌رهێنانێ یا هه‌رێما كوردستانێ راگه‌هاند، هه‌موو ئه‌و كۆمپانییێن وه‌به‌رهێنانێ یێن ل هه‌رێما كوردستانێ كاردكه‌ن، ل ژێر سه‌رپه‌رشتییا ده‌سته‌یا وه‌به‌رهێنانێ كارێن خوه‌ دكه‌ن و گوت : ل سالا بوورى وه‌زاره‌تا پلاندانانێ كۆمه‌كا كۆدان بۆ سلامه‌تییا ئاڤاهییان ده‌سنتیشانكربوون.

د. محمه‌د شوكرى سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ دپرێسكۆنفرانسه‌كیدا دیاركر، هه‌روه‌كو چه‌وا بریارا بانكا ناڤه‌ندى ل فرۆكه‌خانه‌ و جهێن دى دهێته‌ بجهئینان، دێ ب هه‌مان شێوه‌ ل پرۆژه‌یێن ئاكنجیبوونێ ژى هێته‌ بجهئینان.

سه‌رۆكێ ده‌سته‌یا وه‌به‌رهێنانا هه‌رێما كوردستانێ ئه‌وژى دیاركر، هه‌موو ئه‌و كۆمپانییێن دبیاڤێ وه‌به‌رهێنانێدا ل هه‌رێما كوردستانێ كاردكه‌ن، ل ژێر سه‌رپه‌رشتییا ده‌سته‌یا وه‌به‌رهێنانێ كارێن خوه‌ دكه‌ن و گوت : ئه‌و كۆمپانییێن ل هه‌رێمێ كاردكه‌ن هه‌موو یێن توركیا نینن، به‌لكو كۆمپانییێن دى یێن بیانى و ناڤخۆژى هه‌نه‌.

زێده‌تر محه‌مه‌د شوكرى دیاركر، ل سالا بوورى وه‌زاره‌تا پلاندانانێ كۆمه‌كا كۆدان بۆ سلامه‌تییێ ده‌ستنیشانكربوون، ئه‌وژى دووپاتییێ ل وان كۆدان دكه‌ن كو سلامه‌تترینن بۆ وه‌لاتییان، و دێ پێداچوون بۆ وان پرۆژه‌یان هێته‌كرن یێن ل هه‌رێما كوردستانێ هاتینه‌ دانان.

ناڤبرى ئاماژه‌ ب هندێژی دا، هه‌تا نوكه‌ چ ئاڤاهى ل هه‌رێما كوردستانێ ژبه‌ر ئه‌ردهه‌ژێن توركیا و باكوورێ كوردستانێ زیانێن مه‌زنه‌ نه‌گه‌هشتینێ و مه‌ترسییا ژناڤچوونێ ل سه‌ر نینه‌، ئه‌ڤه‌ژى بۆ وان شێوازێن باش یێن دیزاینكرنێ ڤه‌دگه‌ریت یێن كو وه‌به‌رهێنه‌ران بۆ درووستكرنا ئاڤاهییان داناین.