دۆلارسالاری

کۆڤان حسێن

پشتی دووماهییا شەرێ‌ سار و بەرفره‌هبوونا بیاڤێ‌ پەخشكرنا هەموو بها و سەنج و تیتالان ل جیهانێ‌ شۆرەشەكا نوو هاتە پێش نە دبوارێن سیاسی ب تنێ‌ و قورتالبوونا گەلەك خەلكى ژ قوتوبەندێن بلۆكێ‌ (جەپ)دا، بەلكو جیهانێ‌ دووماهی ب سەروەرییا وەلاتان هات بەرامبەری گلۆبالیزما بێ‌ سنۆر، هەرڤتنا گەلەك بووهایێن نشتیمانی و نەتەوەی ل پرانییا شارستانییا جیهانا نوو دەمدا، سەردەمێ‌ رەوشنبیرییا (كابوی) و دووماهییا تارادەیەكێ‌ جەپگەرییێ‌ و سەرهلدانا رادیكالیا ئۆلی یا ئیسلاما سیاسی، شانویا جیهانێ‌ پری روودان كربوو، شەرێن خیناویێن مەزن روودان و ژمارەكا وەلاتان ل سەر نەخشێ‌ جیهانێ‌ مان ئەڤێن، دیژی پرانییا وان قەردارن یان قه‌ردارێن بەنكا نێڤده‌وله‌تینه‌ یانژى چینێ، و بڤی رەنگی قۆلپێن رەنگ ئابووری شینا قۆلپێن سیاسی دنێزیكن جیهانێ‌ دابەشبكەن، ئابوورناسان دێ‌ پێناسا خوه‌ بۆ ئەڤێ‌ رەوشێ‌ هنده‌ سادە هەبیت و نابیت ب گشتی سەرێ‌ خەلكى‌ ژێ‌ بچیتەدەر، ب دەهان دیتن و بووچوون هەنەو دبیت یا ساده‌ ئه‌ڤه‌ بیت كو (دۆلار) دێ‌ شەنگستێن سیاسی و كلتۆری و ئابووری بۆ هەر سیستەمەكى‌ ل دووڤ خوه‌ گۆنجاندنا وان دگەل خۆدانێ‌ دۆلاری ئاسوێن خوه‌ دیاركەت، داكەڤتنا (ئیروی) و (رۆبلی) هەتا تیمەنی و دیناری و لیرەیان بگرە و (جنەهێ‌) مسرى ژی نوكە رێرەوا ژدایك بوونا هندەك بەرۆكێن دی دیاردكەت.

ب ئاشكرا ئەمریكا ژ عیراقێ‌ دەركەڤت بەلێ شادەمارا ئابوورێ عیراقێ‌ ب دەستێ‌ ئەمریكایە و بۆ عیراقێ‌ نینە سەربەخۆ چ رەفتارەكێ‌ بكەت ژبلی وێ ئەوا دگەل ئەمریكا دگونجیت، ئاشكراتر هەر كەسێ‌ ژ دەرڤەی بازنێ‌ ئەمریكا دابیت چارەنڤێسی وی ژ لایێ روویێ‌ سەنگا دراڤی ڤه ‌دێ‌ وه‌كو یێ ئیران و ڤنزویلا و كۆریا و سووریا و زیمبابوی و رووسیا بیت، سەربەختێ‌ هندەك ژێدەران بیت دبێژن: شیعەیێن عیراقێ‌ رازی بووینە هەتا دژایەتییا ئیرانێ‌ ژی بكەن ب وی مەرجی ئەمریكا وان ژ ئیرانێ‌ پارێزیت و ئەو هزرە دناڤ شیعەیان دا خۆرت بوویە ئیرانێ‌ ژێدەرێ‌ هەمی نهامەتییەكێیە بۆ عیراقێ‌، بۆ ئیرانێ‌ رەنگە خوه‌ش نەبیت عیراق هەرەسێ‌ بینیت و باشترە عێراق بهێز بیت و ئەوژی ب سەدان رێكا سودمەند بیت، بەلێ‌ قۆرتالبوونا سیاسییا عیراقێ‌ ژ ئیرانێ‌ كارەكێ بساناهى نینە، یان عیراق دێ‌ ب دەردێ‌ ئیرانێ‌ و یەمەنێ‌ چیت، یان دڤێت هەرچه‌وا بیت شاباشێن خوه‌ یێن دۆلاری ل سەر ئیرانێ‌ بۆ ئاسته‌كێ به‌رئاقل كێم بكه‌ت.