ل گۆرەی لیستەکا رێکخراوا شەفافیەتا جیھانی کو ئەڤرۆ بەلاڤکریە، دناڤ 180 وەلاتێن جیھانێ دا ل سالا 2022, عیراق ل رێزبەندا 23 یا گەندەلترین وەلاتێن جیھانی دھێتە دیتن.
ئه‌ڤرۆ سێ شه‌مبی 31 كانوونا دووێ 2023, رێكخراوا شه‌فافیه‌ت یا جیهانی لیستا شه‌فافیه‌تا 180 وڵاتێن جیھانێ بۆ سالا 2022 بەلاڤکر، ل گۆرەی وێ لیستەیێ، عیراق ل رێزا حەفتێ یا گەندەلترین وەلاتێن عەرەبی دایە.
د لیستێ دا ئاماژە کریە، دانیمارک ژ باشترین وەلاتانە کو کێمترین رێژا گەندەلیێ دناڤدا ھەیە و ژ رێژا 100% پلەیا 90 ژ % ب دەستڤە ئینایە و ل رێزێن دووڤدا ھەر ئێک ژ وەلاتێن فیلەندا و نیوزلەندا ب کۆمکرنا پلەیا 87% و نەرویچ 84% و سەنگافوورا و سوید 83% دھێنە دیتن.
ل گۆرەی ڕاپۆرتا ڕێکخراوا ناڤھاتی، دناڤ 180 وەلاتێن ناڤێن وان د لیستێ دا ھاتین، ناڤێ عیراقێ ل رێزبەندا 157 دا ھاتیە کو ل گۆرەی رێزبەندا گەندەلیێ، دکەڤیتە د خانا ژمارە 23 یا گەندەلترین 180 وەلاتێن جیھانێ دا، ئانکو ل گۆرەی گەندەلترین وەلاتان، عیراق پێش وەلاتێن (ئەریتیریا، لیبیا، یەمەن، سووریا و سۆمالێ) ھاتیە دیتن.
