حكومه‌تا هه‌رێما كوردستانێ: دێ به‌رهه‌مێ ماسی یێن كوردستانێ ره‌وانه‌یى ده‌رڤه‌ كه‌ین

مه‌زنترین پڕۆژێ بەرهەمێ ماسییان ل هەرێما کوردستانێ و عێراقێ ل پارێزگه‌ها دهۆکێ دهیته‌ دروست كرن و 65٪ ێ كارێن وی پرۆژه‌ییی ته‌مام بووینه‌.

شوکری عومەر، رێڤه‌به‌رێ پڕۆژێ بەرهەمێ ماسییان، بۆ پێگەهێ فەرمی یێ حكومەتا هەرێما کوردستانێ دیار كر: پڕۆژێ به‌رهه‌مێ ماسیان تاكه‌ پڕۆژه‌یه‌ ل سه‌ر ئاستێ هه‌رێما كوردستانێ و عیراقێ و 65%ێ ژ كارێن وى پرۆژه‌ییی ب دووماهى هاتینه‌ و ل قووناغا ئێكێ د شییاندایه‌ سالانه‌ 21 ملیۆن ماسییان و هزار و 200 ته‌نێن گۆشتێ ماسى به‌رهه‌م بینیت و دێ بۆ ده‌رڤه‌ هێته‌ ره‌وانه ‌كرن و ئه‌و پڕۆژه‌ ل پارێزگه‌ها دهۆكێیه‌ و دێ پێدڤییا ناڤخۆ ژی پڕ كه‌ت و دێ ئاستێ به‌رهه‌مى به‌ره‌ف پێش به‌ین و دێ بۆ ده‌رڤه‌ ژى هێته‌ ره‌وانه‌كرن.

رێڤه‌به‌رێ پرۆژێ به‌رهه‌مێ ماسیان ئاشكرا كر ژی: ب كوژمێ 10 ملیۆن دۆلاران ل وى پڕۆژه‌یى هاتینه‌ مه‌زاختن و نوكه‌ ده‌لیڤا كارى بۆ 500 كه‌سان ب شێوه‌‌كێ راسته‌وخۆ و نه‌راسته‌وخۆ دروست كرییه‌.

ئه‌و پڕۆژه‌ ل سه‌ر 229 دۆنه‌مێن ئه‌ردى هاتییه‌ چێكرن و تاقیگه‌هـ و حه‌وز و قه‌فه‌سان ب خۆ ڤه‌ دگریت و د پلان دایه‌ كارگه‌هه‌كا به‌رهه‌مێن ئالیكێ ژى بهێته‌ دانان و پشتى پڕكرنا ڤالاهییا ناڤخۆ دێ بۆ ده‌رڤه‌ و بازارێن عیراقى و وه‌لاتێن كه‌نداڤى هێنه‌ ره‌وانه‌ كرن.