بڕیارە پارتی سەرەدانا لایەنێن سیاسی بکەت و بەرپرسەکێ پارتی ژی ئاشکرا کر، پارتی و ئێکەتی ل چەند رۆژێن بهێن دێ کۆمبن و پارتی یا بەرھەڤە بۆ چارەسەرکرنا ئاریشان ب رێیا دانوستاندنان.
بلند ئیسماعیل، ئەندامێ کۆمیتا ناڤەندییا پارتی بۆ ئاژانسا خانی دیار کر” بڕیارە ل چەند رۆژێن بهێن پارتی و ئێکەتی ل سەر ئاستێن بلند کۆمببن و پێشبینی دھێتە کرن نێچیرڤان بارزانی و باڤل تالەبانی سەرپەرشتیا کۆمبوونا دناڤبەرا پارتی و ئێکەتیێ بکەن ب مەرەما چارەسەرکرنا ئاریشێن دناڤبەرا ھەردو ئالییان.
ناڤهاتی گۆت ژی” پارتی ھەموو دەمەکی یا بەرھەڤە ب رێیا دانوستاندنان ئاریشان چارەسەر بکەت و ئێک ژ راسپاردێن کۆنگرێ ١٤یێ پارتی پێداچوونه ب پەیوەندیێن دناڤبەرا پارتی و لایەنێن سیاسی بھێتە کرن ب مەرەما لێکنێزیکبوونا ھەموو لایەنێن پارتی، لەوما پارتی دێ کار کەت بۆ وێ چەندێ ئەو ئاریشێن نوکە دناڤبەرا لایەنێن سیاسی ھەنە بھێنە چارەسەر کرن و دەرگەھێ دانوستاندنان ژی یێ ڤەکرییە ھەمبەر ھەموو لایەنێن سیاسی.
