وەزارەتا خواندنا بلند ھژمارەکا بڕیاران ل دۆر قوتابی یێن کورد ل ئیرانێ دەرکرن

ئاژانسا خانی ، تایبەت:

رێڤەبەرێ فەرمانگەھا ھنارتیيان ل وەزارەتا خواندنا بلند ئاشکرا کر: پتری سێ ھزار قوتابی یێن ھەرێما کوردستانێ ب مەرەما خواندنێ چووینە ئیرانێ و وەزارەتا خواندنا بلند و ڤەکۆلینێن زانستی ژی ھژمارەکا بڕیاران ل دۆر چارەنڤیسێ وان دەرکرن.

د. یاسین سالح، رێڤەبەرێ گشتی یێ ھنارتییان ل وەزارەتا خواندنا بلند بۆ ئاژانسا خانی دیار کر” سێ ھزار قوتابی یێن ھەرێما کوردستانێ ب رێیا وەزارەتا خواندنا بلند چووینە زانکۆیێن ئیرانێ و درێژیێ ب خواندنێ ددەن، ھەروەسا ھژمارەکادی ژی ب رێکێن نە فەرمیی چووینە، بەلێ پشتی تێکچوونا رەوشا ئیرانێ ژبەر خۆنیشاندانێن وی وەلاتی رەوشا قوتابیان کەفتییە د مەترسیێ دا و وەزارەتا خواندنا بلند و ڤەکۆلینێن زانستی ژی ھژمارەکا بڕیاران ل دۆر قوتابی یێن کورد ل ئیرانێ دەرکرینە.

ناڤهاتی گۆت ژی” دووماھییا سمستەرێ نوکە مەرجێ مانا قوتابیان ناھێتە ھژمارتن، ئەو دەمێ نوکە قوتابی ل ھەرێما کوردستانێ ماینە پێدڤییە ل داھاتی قەرەبوو بکەن، ھەر قوتابیەکێ بخوازیت خواندنا خوە پاش پێخیت دێ رەزامەندی ل سەر ھێتە دان، بەلێ ب چ شێوان نابیت قوتابی ب رێیا ئونلاین درێژیێ ب خواندنێ بدەن.