<h2 style="text-align: justify;"><span style="font-size: 18pt;">نه‌رازیبوونێن شه‌ڤا بوورى ل رۆژهه‌لاتێ كوردستانی شه‌ش خۆپیشانده‌ر ل باژێرێ پیرانشار، جوانرۆ و دێولان ب ته‌قێن هێزێن ئه‌منى یێن ئیرانێ هاتنه كۆشتن.</span> <span style="font-size: 18pt;">شەڤا بوورى هژماره‌كا زۆر ژ باژیرێن رۆژهه‌لاتێ كوردستانێ نه‌رازیبوون دیاركرن و نه‌رازیبوونا هنده‌ك ژ وان باژێران ژبۆ پشته‌ڤانیا خه‌لكێ باژێرێ مهابادێ بوو.</span> <span style="font-size: 18pt;">لدووڤ گۆتنا وه‌لاتیێن پیرانشار، هێزێن ئه‌منى یێن ئیرانێ ته‌قه ل وەلاتییان كریه و دوو خۆپیشانده‌ر ب ناڤێ تاهر عه‌زیزى و كاروان قادر شوكرى گیانێ خوه ژ ده‌ستدا.</span> <span style="font-size: 18pt;">لده‌مێ برنا ته‌رمێ تاهیر عه‌زیزى، وه‌لاتییان دروشمیێن دژى ده‌ستهه‌لاتێ دگوتن و ئالوزى دروستبوون، د ئه‌نجامێ ته‌قێن هێزێن ئه‌منى خۆپیشانده‌ره‌كێ دى بناڤێ حه‌یده‌ر مه‌حاله هاته كۆشتن.</span> <span style="font-size: 18pt;">ل باژێرێ جوانرو هێزێن سوپایێ پاسداران و ئیتلاعات ته‌قه ل خۆپیشانده‌ران كر و دوو وه‌لاتى هاتنه كۆشتن، و ل باژێرێ دێولانى یا پارێزگه‌ها سنه خۆپیشانده‌ره‌ك هاته كۆشتن، هه‌روه‌سا ل رۆژا ئه‌ینى ل باژێرێ بۆكان خۆپیشانده‌ره‌كێ دى هاته كۆشتن.</span> <span style="font-size: 18pt;">د نه‌رازیبوونێن پێنج رۆژێن بوورى ل رۆژهه‌لاتێ كوردستانێ 36 كه‌سان گیانێ خوه ژ ده‌ستدایه.</span></h2>
