هێزێن سیاسى لناڤا جڤاتا نونه‌راندا هه‌ڤركیێ بۆ بده‌ستڤه ئینانا سه‌رۆك و ئه‌ندامێن 26 لیژنێن جڤاتا نونه‌رێن عیراقێ دكه‌ن.
سه‌رۆكا فراكسیۆنا پارتى دبێژیت، شێوازێ دابه‌شكرنا لیژنان پێدڤیه به‌رۆڤاژى وان وه‌زاره‌تا بیت یێن لایه‌نان وه‌رگرتین.
ڤیان سه‌برى سه‌رۆكا فراكسیۆنا پارتى دیموكراتى كوردستان ل جڤاتا نونه‌ران راگه‌هاند، پشتى پێكئینانا حكومه‌تا نو یا عیراقێ، دێ گهۆرین بسه‌ر لیژنێن په‌رله‌مانى دا هێنه‌كرن و شێوازێ دابه‌شكرنا لیژنان دێ به‌رۆڤاژى وان وه‌زاره‌تان بیت یێن لایه‌نان وه‌رگرتین، ئه‌ڤه ژ بۆ بهێزكرنا چاڤدێریا وه‌زاره‌تێ یه.
