برنجێ تایله‌ندى گه‌هشت و دێ ب سه‌ر وه‌لاتییان دا هێته‌ به‌لاڤكرن

وه‌زاره‌تا بازرگانى یا عیراقێ ئاشكراكر 42 هزار ته‌نێن برنجێ تایله‌ندى بۆ به‌لاڤكرنێ ل سه‌ر وه‌لاتییان گه‌هشتنه‌ كوگه‌هێن خوارنێ.

وه‌زاره‌تا بازرگانى یا عیراقێ دراگه‌هاندنه‌كێدا دیاركر، 42 هزار ته‌نێن برنجێ تایله‌ندى گه‌هشتینه‌ كوگه‌هان، و تیمه‌كا سه‌رپه‌رشتێن ته‌كنیكى یا پشكینه‌رێن تاقیگه‌هێ نمونه‌یێن ده‌ستپێكێ یێن برنجى بۆ پشكنینان هنارتینه‌ تاقیگه‌هان، و ئه‌گه‌ر دیاربوو كو دێ بۆ خوارنێ یێ گونجاى بیت، دێ ب سه‌ر وه‌لاتییان دا هێته‌ به‌لاڤكرن.

هه‌روه‌سا وه‌زاره‌تا بازرگانى یا عیراقێ دیاركر، كوالیتییا برنجێ ئه‌ڤێ جارێ ژ باشترین جۆرێن برنجێ جیهانى هاتییه‌ پۆلینكرن.

ئه‌و مادده‌یێن خوارنا مه‌هانه‌ یێن گه‌هشتین و دێ ب سه‌ر وه‌لاتییێن عیراق و هه‌رێما كوردستانێ دا هێنه‌ به‌لاڤكرن ( برنج، شه‌كر، زه‌یت، فاسۆلى، نۆك، ته‌ماته‌ و ئار )ن و دێ ب ئه‌ڤى شێوه‌ى ل سه‌ر هه‌ر كه‌سه‌كى هێنه‌ دابه‌شكرن.

برنج – سێ كیلۆ

شه‌كر – ئێك كیلۆ

زه‌یت – ئێك لیتر

ته‌ماته‌ – 400 گرام

 فاسۆلى، نیسك و نوك هه‌ر ئێك ژ وان ئێك كیلۆ

ئار – نه‌هـ كیلۆ