مووچه‌یێ لیوایێن هه‌ڤپشك یێن پێشمه‌رگه‌ى دێ هێته‌ به‌لاڤكرن

مووچه‌یێ هه‌یڤا هه‌شت یێ لیوایێن هه‌ڤپشك یێن پشمه‌رگه‌یێ كوردستانێ دێ هێته‌ به‌لاڤكرن، و به‌لاڤكرن ژى دێ ب شێوه‌یێ هه‌یڤا بوورى بیت.

ل دووڤ زانیاریان به‌شێ ژمێریاى یا وه‌زاره‌تا دارایى و ژمێریاری یا وه‌زاره‌تا پێشمه‌رگه‌ى هه‌موو بانك ئاگه‌هداركرینه‌ كو رۆژا چارشه‌مبى 31ى ته‌باخا 2022ێ مووچه‌یێ هه‌یڤا هه‌شت یێ لیوایێن هه‌ڤپشك به‌لاڤبكه‌ن، و به‌لاڤكرنا وێ دێ وه‌كو یا هه‌یڤا بوورى بیت و مه‌رج نینه‌ هه‌موو لیوا مووچه‌ى د ئێك رۆژدا وه‌ربگرن.

بودجه‌یا چه‌ند لیوایێن پێشمه‌رگه‌ى ژلایێ وه‌زاره‌تا به‌ره‌ڤانى یا ئه‌مریكاڤه‌ هاتییه‌ دابینكرن، و هه‌یڤا پشتى پاره‌ دچیته‌ سه‌ر هژمارا وه‌زاره‌تا پێشمه‌رگه‌ى، مووچه‌ دهێته‌ به‌لاڤكرن.