مسته‌فا كازمى كۆمبوونه‌كا بله‌ز رێكخست

فه‌رمانده‌یێ گشتى یێ هێزێن چه‌كدارێن عیراقێ بله‌ز فه‌رمانده‌یێن ئێمناهییێ بۆ گوتوبێژكرنا ره‌وشا نوكه‌ یا به‌غدا گازیكرن، و نڤێسینگه‌ها فه‌رمانده‌یێ گشتى یێ هێزێن چه‌كدارێن عیراقێ به‌یانه‌ك ل دوور كۆمبوونێ به‌لاڤكر.

دبه‌یانێ دا هاتییه‌، فه‌رمانده‌یێ هێزێن چه‌كدار مسته‌فا كازمى هه‌موو فه‌رمانده‌یێن هێزێن ئێمناهی و ئوپه‌راسیۆنێن هه‌ڤپشك راسپاردینه‌ ب هوورى رێنما و بریارێن ئێمناهییێ بجهبینن و دامه‌زراوه‌یێن گشتى یێن ده‌وله‌تێ بپارێزن.

هه‌روه‌سا فه‌رمان كرییه‌، دامه‌زراوه‌یێن حكومى بپارێزێن و رێكێ نه‌ده‌ن چ لایه‌نێن خۆپیشانده‌ران ده‌ست ب سه‌ردا بگریت، و داخواز ژ خۆپیشانده‌ران ژى كر هه‌ر زوو خوه‌ ژ ده‌ڤه‌را كه‌سك ڤه‌كێشن و خوه‌ ژ رووبرووبوونا هێزێن ئێمناهی دووربكه‌ن و ئاشتى و جڤاكى نه‌ئێخنه‌ د مه‌ترسییێ دا.