ل بەغدا بابه‌ك ب تۆمه‌تا فرۆشتنا گولچیسكا کچا خۆ هاته‌ گرتن

دەزگه‌هێ دژى تاوانێ ل بەغدا دەستگیرکرنا بابه‌كێ ب تۆمەتا فرۆشتنا گولچیسكا خۆ ب هاریکارییا کورێ خۆ ل بەرامبەر كوژمه‌كێ پارەیی دا راگەهاند.

ئەڤرۆ شەمبییێ ٦ ته‌باخا ٢٠٢٢ ێ، رێڤبەرییا دژى تاوانێ ل بەغدا دیار كر: پشتى ئاگه‌هدارکرنا رێڤەبەرییا دژى تاوانێ ل بەغدا پشكا بازرگانیکرنێ ب لەشێ مرۆڤى، ژ ئه‌گه‌رێ فرۆشتنا گولچیسكا کچه‌كێ ژ لایێ باب و برایێن وێ بۆ وه‌لاتییه‌كێ باژێرێ دهۆکێ كۆژمێ هەشت ملیۆن دیناران، ب زووترین ده‌م دەزگه‌هێن ئەمنی پشتى ڤه‌كۆلین و كۆمكرنا زانیارییان، شییان هه‌ردو تۆمەتبارن ل ده‌ڤه‌را غەزالیە ل بەغدا بگرن”.

 ئه‌و ژى گۆتییه‌: هەردو تۆمەتباران دانپێدان ب تاوانا خۆ كرییه‌ بۆ فرۆشتنا گولچیسكا كچا وان و لدووڤ مادێ 18 یێ یاسایێ بازرگانیکرنێ ب ئەندامێن لەشێ مرۆڤى هاتینه‌ گرتن.