ئه‌ڤرۆ شه‌مبییێ” 30/7/2022 ێ” سه‌رۆك مه‌سعود بارزانى” د رێوره‌سمێن پێشوازيكرنێ ل ڤه‌گه‌ڕاندنا رۆفاتێن 100 ئه‌نفالكری يێن بارزانيان دا گۆت: پێدڤيیه كلتۆرێ لێبۆرينێ جهێ كلتۆرێ ره‌تكرنێ بگريت و رێك ل دوباره‌بوونا ڤان كاره‌ساتان ل پاشه‌رۆژێ بهێته گرتن.
سه‌رۆك بارزانی دیار كر ژی: هه‌موو ئاريشه و ناكۆكيێن ل عيراقێ و ب تايبه‌ت يێن دناڤبه‌را هه‌ولێرێ و به‌غدا دا قابلى چاره‌سه‌ركرنێنه” هه‌كه نيیه‌تێن پاقژ و ئيراده‌‌كا راست هه‌بيت” ژ بلى وان ناكۆكيێن كو لايه‌نێ به‌رامبه‌ر ره‌تدكه‌ن” د كلتۆرێ شۆفينیێ رژێما عيراقێ يا به‌رێ دا ل دژى كوردان به‌رجه‌سته دبيت و پێدڤيیه كلتۆرێ ره‌تكرنا يێ دى نه‌مينيت و به‌ره‌ڤ كلتۆرێ لێبۆرينێ، پێكڤه‌ژيانێ و ڤيانێ ڤه بچين.
سه‌رۆك بارزانی گۆت ژی: ئه‌نفالكرنا بارزانيیان خه‌له‌كه‌ك بوو ژ زنجيرا تاوانێن رژێما به‌رێ، ئه‌م دێ د بزاڤێن خۆ دا به‌رده‌وام بين هه‌تا رۆفاتێن هه‌موو ئه‌نفالكريان بهێنه ڤه‌گه‌راندن و هه‌ر ژ سالا 2003 ێ” وه‌ره ده‌ستوور ل عيراقێ هاتیيه پشتگوهخستن و كار پێ نه‌هاتيیه كرن.
ئه‌و ژی گۆت: نابیت رێك بهێته دان تاوانێن رژێما به‌رێ ببنه دژایه‌تیا دناڤبه‌را گه‌لان دا و رژێم دهێن و دچن به‌لێ برایه‌تى دمینیت.
