بالیۆزا ئه‌مریكا ل عیراقێ ل دوور روودانا دووهى یا ده‌ڤه‌را گه‌شتییارى یا زاخۆ هاته ده‌نگ، و دووپاتى ل سه‌روه‌رى و سه‌قامگێرییا ئه‌ردێ عیراقێ كر.
ئه‌ڤرۆ شیره‌تكارێ ئاسایشا عیراقێ قاسم ئه‌لعه‌ئره‌جى و بالیۆزا ئه‌مریكا ل عیراقێ ئه‌لینا رۆمانوسكى كۆمبوون، و رۆمانۆسكییێ سه‌ره‌خۆشییێن خوه ئاراسته‌یى خێزانێن شه‌هیدێن هێرشا توركیا ل سه‌ر ده‌ڤه‌را گه‌شتییارى یا گوندێ په‌ره‌خێ كرن و دیاركر، واشنتن ئیدانه‌یا ڤێ هێرشێ دكه‌ت، هه‌روه‌سا دووپاتى ل هندێ كر، كوشتنا خه‌لكێ سڤیل ناهێته قه‌بوولكرن و واشنتن پشته‌ڤانییا سه‌روه‌رییا ئه‌ردێ عیراقێ دكه‌ت.
ژلایه‌كێ دیڤه شیره‌تكارێ ئاسایشا عیراقێ و بالیۆزا ئه‌مریكا ل عیراقێ دووپاتى ل بابه‌تێن ده‌ڤه‌رێ و نێڤده‌وله‌تى و موكومكرنا په‌یوه‌ندییێن دناڤبه‌را به‌غدا و واشنتن دا كر.
