وه‌زیرێ كاره‌بێ د داخویانیه‌كێدا بو ده‌نگێ ئه‌مریكا ئاشكراكر، د نوكه‌دا 13 بۆ 16 ده‌مژمێران كاره‌با نیشتیمانى هه‌یه، و دیاركر، ل مه‌ها چوارا 2023غاز دێ زێده‌بیت و رهوشا كاره‌بێ دێ باشتربیت.
کەمال محەمەد، وەزیرێ کارەبا حكوومەتا هەرێما کوردستانێ، ڕایگەهاند: ئه‌گه‌ر ل مه‌ها 12یا پار سال وهه‌یڤا 2 یا ئه‌ڤ ساله بكه‌ین، تنێ 12 ده‌مژمێرو20 خوله‌كا روژانه كاره‌ب هه‌بوو، به‌لێ ئه‌ڤه چه‌ند هه‌فتیه نێزیكى 13بۆ16 ده‌مژمێران ئه‌م كاره‌با نیشتیمانى دده‌ینه وه‌لاتیان.
محه‌مه‌د دیاركر كو ئێك یه‌كا كاره‌بێ لسه‌ر حكومه‌تێ ب بهایێ 88 تا 90 دینارنه به‌لێ تێكرایێ ئه‌و پارێ هاولاتی دده‌ن تنێ 30% یه و‌كوژمێ مای حكومه‌ت وه‌ك پالپشتی بۆ وه‌لاتیان دده‌ت.
وه‌زیرێ كاره‌بێ ئاماژه ب هندێ ژى كر، ل سالا 2021 داهاتێ وه‌زاره‌تێ586 ملیار دینار بوون،تنێ 10% ژ ڤی داهاتی لبه‌رده‌ستێ وان بو، ئه‌وێ دى هه‌می بۆ وه‌زاره‌تا دارایى دچوو دابهێته خه‌رجكرن بۆ مووچه‌یان.
