دادگه‌ها بلند یا فیدرالی سكالایێن ل دژی ئەنجامێن هەلبژارتنان رەتکرن و عەمار حەکیمی، سەرۆکێ رەوتا حیکمە راگەهاند، ئه‌و دێ پابەندی بریار دادگه‌ها بلند یا فیدرالی بین.
عەمار حەکیم، سەرۆکێ رەوتا حیکمە د توویته‌كێدا گۆت: “ل سەر بنەمایێ باوەرییا مه ب دەستووری و یاسایێ، پابەندبوونا خوه ب وێ بڕیارا دادگه‌ها فیدرالی ل سەر ئەنجامان دەردبرین، سەرەرایی هندێ مه تێبینی یێن جددی ل سەر پرۆسا هەلبژارتنان هه‌یه”.
گۆتییه ژی: “پیرۆزباهیێن خوه بۆ سه‌ركه‌فتییان نوو دكه‌ین و دێ پشته‌ڤان بین د راپەڕاندنا ئەرکێن سەر ملێن وان بەرامبەر گەلێ عیراقێ و پێکئینانا حکومەته‌كا لێهاتی و هه‌ماهەنگ کو بشێت وان لایەنان کۆم بکه‌ت یێن كو دڤێن تێدا پشكدار بن و ئامادە بن بەرپرسیاره‌تییا گەلێ عێراقێ بگرنه ستوویێ خوه.
