وه‌زیرێ ساخله‌میێ: هه‌تا نوكه‌ چ حاله‌تێن پشتراستكرى یێن ڤایرۆسێ ئۆمیكرۆن نه‌ هاتینه‌ تۆماركرن

سامان به‌رزنجی، وه‌زیرێ ساخله‌میا حكومه‌تا هه‌رێما كوردستانێ، ئه‌ڤرۆ د پرێسكونفرانسه‌كى دا راگه‌هاند،هه‌تا نوكه‌ چ حاله‌تێن پشتراستكرى یێن ڤایرۆسێ ئۆمیكرۆن نه‌ هاتینه‌ تۆماركرن، بۆ پشتراستكرنه‌ڤه‌یا حاله‌تان ئه‌م پێدڤى ب پێدڤیاتیێن تاقیگه‌هان هه‌نه‌، و هه‌تاكو نوكه‌ هنده‌ك ژ وان هاتینه‌ دابینكرن و ل رۆژانێن بهێت هه‌موو پێدڤیاتى دێ هێنه‌ دابینكرن،هه‌ر حاله‌ته‌كێ هه‌بیت ژى دێ راگه‌هینین.

وه‌زیرێ ساخله‌میێ ئاشكرا كر، ل ده‌ستپێكا سالا داهاتى دڤێت ل هه‌موو فه‌رمانگه‌هێن حكومى وه‌رگرتنا ڤاكسینى بكه‌نه‌ نه‌چارى، ئه‌وێن وه‌رنه‌گرن ژى دڤێت حه‌فتیانه‌ پشكنینێ بكه‌ن و ئه‌نجامان بۆ رێڤه‌به‌رێن خوه‌ فرێبكه‌ن، د ماوه‌ێ بوریدا ژى دانانا ڤاكسینه‌ كاریگه‌رییا زۆر هه‌بوو ل سه‌ر كێمبوونا تووشبوویان و مرنێ ب كۆرۆنایێ.