<h2 style="text-align: justify;"><span style="font-size: 18pt;">سه‌رۆكێ حكومه‌تا هه‌رێما كوردستانێ بیره‌وه‌ریا 100 سالیا په‌یدابوونا شانۆگه‌ریا كوردى ل هه‌ولێرێ دگێریت، كو ل سالا 1921 ل قوتا بخانا ئه‌ربیل ئه‌ل - ئولا یا ئێكێ هاتییه نمایش كرن، كو ل ده‌ستپێكا سه‌رهلدانا شانۆیێ ل هه‌ولێر و كوردستانێ د هێته دانان.</span></h2> <h2 style="text-align: justify;"><span style="font-size: 18pt;"> مه‌سرور بارزانى سه‌رۆكێ حكومه‌تا هه‌رێما كوردستانێ، سوپاسیا رێكخه‌رێن شانۆیێ كر و ئاماژه كر ئه‌ڤه بزاڤه‌كه بۆ زیندیكرنا بیره‌وه‌ریا نه‌وه‌یێن مێژوویا دێرین، وه‌ك دهێته زانین هه‌ولێر ئێكه ژ كه‌ڤنترین باژێرێن جیهانێ كو ژیان تێدا به‌رده‌وامه.</span></h2> <h2 style="text-align: justify;"><span style="font-size: 18pt;">مه‌سرور بارزانى دیاركر ژى، ئێكه‌م شانۆگه‌رى ل هه‌ولێرێ ده‌رباره‌ى ژیان و ئازایه‌تى و داپه‌روه‌ریا سه‌ركردێ كورد (سه‌لاحه‌دین ئه‌یوبى) بوو، كو ل دووڤ ژێده‌رێن دیرۆكى خه‌لكێ گوندێ (دوینى) یێ سه‌ر ب باژێركێ پیرمام یێ سه‌ر ب پارێزگه‌ها هه‌ولێرێ یه.</span></h2> <h2 style="text-align: justify;"><span style="font-size: 18pt;">مه‌سرور بارزانى سه‌رۆكێ حكومه‌تا هه‌رێما كوردستانێ ئاماژه ب هندێ ژى كر، شانۆ ئێكه ژ كه‌ڤنترین هۆنه‌ران ل جیهانێ، ژبه‌ر هندێ پێدڤییه ب رێكا ڤى هونه‌رێ گرنگ شانۆكار و میدیاكار چه‌ندین په‌یامێن گرنگ ب خه‌لك و كۆمه‌لگه‌هێ بگه‌هینن، ب تایبه‌ت به‌رچاڤكرنا دیرۆكا گه‌لێ كورد، كو تووشى چه‌ندین كاره‌سات و جینۆساید و ئاریشان بووینه.</span></h2> <h2 style="text-align: justify;"><span style="font-size: 18pt;">گۆتژى، شانۆیێ ڕۆله‌كێ گرنگ د هزرا نیشتیمانپه‌روه‌رى و به‌ره‌ڤانیكرن ژ مافێن گه‌لێ كورد هه‌یه.</span></h2>
