رەوشا کارەبێ دێ ئاسایی بیته‌ڤه‌

وەزارەتا کارەبا حكومه‌تا ھەرێما کوردستانێ دیار كر: پشتی راوەستییانا چەند یەکەیێن بەرھەمئینانا کارەبێ ژ ئەگەرێ پرۆسا نووژەنکرنێ و ھەبوونا چەند ئاریشێن تەکنیکی” پێدانا کارەبێ بۆ وه‌لاتییان کێم بوویە” بۆ ڤێ مەرەمێ ژی ئەڤرۆ وەزیرێ کارەبێ سەرپەرشتیا کۆمبوونەکێ کر بۆ ئاساییکرنا رەوشا کارەبێ.

د وێ کۆمبوونێدا بڕیار ھاتییە دان ١٤٠ مێگاواتێن کارەبێ ل وێستگەھا خۆرمەلە بھێنە زێدە کرن و ھەتا دووماھییا ڤێ حەفتییێ ژی یەکەیەکا بەرھەمئینانا کارەبێ ل وێستگەھا خەبات دێ کەڤیتە کاری.

 ھەروەسا پرۆسا نووژەنکرنێ دێ ل دو وێستگەھێن کۆمپانیا ماس ھێنە ته‌مامکرن” ھەروەسا د وێ کۆمبوونێدا بریار ھاتییە دان پرۆژێ بجھئینانا پیڤەرێن زیرەک ب لەزتر بھێنە بجھئینان .