پشتی پێشکنینێن DNA بۆ ۱۰٤ کەسان ژ کۆمکوژیا گوندێ کۆچۆ ل پزیشکیا داد د باژارێ بەغدایێ دەرچوویێن و ل رێکەفتی شەشی هەیڤا دوو یا ئەڤ ساله ب رێورسم زەهمانێ گوندێ کۆچۆ گەرا ئێکێ یا وان رووفاتان هاتینە ب خاکسپارتن ل دەمەکی نێزیک گەرا دووێ یا رووفاتێن ٤۲ کەسێن دی دێ رادەستی کەسوکارێن قوربانییان هێنەکرن.
کەسوکارێن قوربانییان بۆ ئاژانسا خانێ دیارکرن،پشتی چاڤەرێبوونەکا درێژ و هەر ژ دەمێ هەلدانا چەند گۆرێن بکۆم ل گۆندێ کۆچۆ مە ئەو دخواست بزووترین دەم پێشکنین ژبۆ وان رووفاتان بهێنه كرن، هەتا ئەم بشێن خێر و خێراتێن وان جانگۆریێن خوە چێبکەین و مافێ وان نەهێتە بەرزەکرن ژ ئالیێ حکومەتێ ڤە و مووچەیێ وان ژبۆ کەسوکارێن وان بهێتە هنارتن، لێ جهێ دلگرانیێ یە بزیشیکا داد ب خەمساری کارێ خوە دكه‌ت.
ئاماژە ب وێ یەکێ دان،ل رێکەفتی ۷ی هەیڤا ۱۲یا ئەڤ سال دێ رووفاتێن ٤۲کەسێن دن ژی کۆمکوژیا گوندێ کۆچۆ ژ پزیشکیا داد ل باژارێ بەغدایێ هێنە رەوانەکرن بۆ قەزا شنگالێ و ل رێکەفتی ٨ی هەیڤێ ب رێورسم د زەهمانێ گوندێ کۆچۆ گەرا دووێ یا رووفاتان هێنە ب خاکسپاردن.
ب هێرشا داعشێ بۆ سەر ئاخا شنگالێ ل رێکەفتی سێی تەباخا سالا ۲۰۱٤ێ بتری ٨۰گۆرێن بکۆم ژ خەلکێ ئێزدی هاتنە چێکرن و بتریا وان گۆرا ژی ل گوندێ کۆچۆ بوون ژبەر ئەو گوند بۆ دەمێ ۱۲ رۆژان ژ ئالیێ داعشێ ڤە یێ دۆرپێچکریبوو د رێکەفتی ۱٥هەیڤا تەباخا سالا ۲۰۱٤ێ کۆمکوژی لدەرهەقێ خەلکێ گوندى هاتە کرن و ژمارا هەرا مەزن ژ خەلکێ گوند هاتنە کۆمکوژیکرن.
