مه‌سرور بارزانى و بالیوزێ مسرێ گه‌شه‌پێدانا په‌یوه‌ندییان گۆتوبێژكرن

سەرۆکێ حکومەتا هەرێما کوردستانێ وبالیوزێ مسرێ ل عێراقێ کۆمبوون و گه‌شه‌پێدانا پەیوەندیێن دناڤبه‌را هەرێما کوردستانێ و مسرێ گۆتوبێژكرن.

مەسرور بارزانی، سەرۆکێ حکومەتا هەرێما کوردستانێ، پێشوازی ل وەلید محەمەد ئیسماعیل بالیوزێ مسرێ ل عێراقێ کر و د دیدارێدا، کو محەمەد وەجیه حیجازی کونسولێ مسرێ ل هەرێما کوردستانێ ئامادە ب بوو، به‌حسێ ره‌وشا گشتییا عێراقێ وگه‌شه‌پێدانا پەیوەندیێن دناڤبه‌را مسرێ و هەرێما کوردستانێ هاته‌ کرن.

سەرۆکێ حکومەتا هەرێما کوردستانێ ئاماژە ب پێگەها گرنگا مسرێ کر د ده‌ڤه‌رێدا و خواستا هەرێما کوردستانێ بۆ پێشخستنا پەیوەندییان ل گەل مسرێ د هەموو واراندا دەربڕی.

ژلایێ خوه‌ڤه‌ بالیوزێ مسرێ، سوپاسییا هەماهەنگییا حکومەتا هەرێما کوردستانێ کر و ئامادەییا وه‌ڵاتێ وى ژى بۆ گه‌شه‌كرنا زێده‌ترا پەیوەندییان نیشاندا، ب تایبەتی د وارێ وەبەرهێنان و ئاڵوگۆڕكرنا بازرگانی دا.