دوهى گه‌نجه‌كێ بناڤێ ئه‌یمه‌ن سه‌برى كو خه‌لكێ پارێزگه‌ها دهۆكێ یه برێكا تویته‌رى نامه‌ك بۆ مه‌سرور بارزانى هنارت، داخوازییه‌ك ئاراسته‌ى وى كر و داخوازییا وى ئه‌وه كو وه‌كى هه‌ولێرێ و سلێمانیێ، ل دهۆكێ ژى پێشانگه‌ها ته‌كنۆلوژى هه‌بیت.
ئه‌یمه‌نى د په‌یاما خوه دا دیاركرییه كو ئه‌و دشێت 100% ئه‌وێ پێشانگه‌هێ ب رێڤه ببه‌ت، ب تنێ ئه‌م پێدڤى ب ته‌ینه(هاریكارییا سه‌رۆكوه‌زیرى)، هه‌روه‌سا به‌حسێ تێچوویا پێشانگه‌هێ كرییه كو ناگه‌هیته 40 هزار دۆلاران.
هه‌روه‌سا داخواز ژ مه‌سرور بارزانى كرییه كو په‌یاما وى ب جدى وه‌ربگریت بۆ هندێ گه‌نجێن هه‌رێما كوردستانێ بشێن خوه ل جیهانا بزنس و ته‌كنۆلوژیایێ ب سه‌لمینن.
ئه‌ڤرۆ به‌رسڤا وێ نامێ هاته دان: سلاڤ كاك ئه‌یمه‌ن، سوپاس بۆ ناما ته یا پر وزه به‌خش، ئه‌ز یێ د وێ باوه‌ریێ دا كو دیجیتالیكرن گه‌له‌كا گرنگه بۆ گه‌شه و پاشه‌رۆژا گه‌لێ مه، ئه‌ز گه‌له‌ك پێخۆشحالم كو ئه‌ز دبینم گه‌نجێن مه ب ڤى شێوازى خوه ته‌رخان دكه‌ن، من داخواز ژ تیما خوه یا كرى كو په‌یوه‌ندیێ ب هه‌وه بكه‌ن داكو ئه‌م بزانین چاوا دێ هاریكارییا هه‌وه كه‌ین داكو كارێ هه‌وه سه‌ربگریت.
