ئاژانسا خانی، نەوزاد هلۆری:
به‌ریكانا هاژوتنا به‌له‌ما دناڤ سیلاڤان دا ل رووبارێ زرارا ل ده‌ڤه‌را بارزان هاته ئه‌نجامدان كو تێدا هه‌شت كچ و 10 كور پشكداربوون.
ئه‌نوه‌ر دوله‌مه‌رى، سه‌رۆكێ سه‌نته‌رێ بارزان بۆ چیاڤانى و ژینگه‌پارێزى بۆ ئاژانسا خانى گۆت، ب مه‌ره‌ما پێشئێخستنا كه‌رتێ گه‌شتوگۆزارى و نیشاندانا سرۆشتێ كوردستانێ و په‌روه‌ده‌كرنا كچ و كورا ل سه‌ر مه‌له‌ڤانى و به‌ریكانێن دناڤا روبار و ئاڤان دا، وه‌كو سه‌نته‌رێ بارزان بۆ چیاڤانى و ژینگه‌پارێزى مه به‌ریكانا هاژوتنا به‌له‌مان دناڤ سیلاڤێن زه‌حمه‌ت دناڤ رووباران دا ل رووبارێ زرارا ل ده‌ڤه‌را بارزان ئه‌نجام دا كو ئێكه ژ زه‌حمه‌ترین رووبار ل كوردستانێ و چه‌ندین سیلاڤێن ب ترس تێدا هه‌نه.
ئه‌نوه‌ر دوله‌مه‌رى گۆت، د به‌ریكانێدا هه‌شت كچ و 10 كور پشكداربوون و ب درێژاهیا چار كیلۆمه‌تران ب سه‌ركه‌فتیانه ب رێڤه‌چوو و ئه‌ڤ بۆ جهێ ده‌ستخوشیێ كو ل كوردستانێ تشته‌كێ هوسا بهێته ئه‌نجامدان.
