ده‌ڤه‌ردارێ ئاكرێ: ڤان رۆژان دێ به‌رى بنیاتى بۆ هنده‌ك پرۆژان دێ هێنه‌ دانان

مازن محه‌مه‌د سه‌عید ده‌ڤه‌ردارێ ئاكرێ دیاركر د نوكه‌دا ب كۆژمێ 6 ملیار و 500 ملیون دیناران ژ ئالیێ حكۆمه‌تا هه‌رێمێ ڤه‌ بۆ ئاكرێ هاتینه‌ ته‌رخانكرن و د قوناغا ئێكێدا هنده‌ك پرۆژه وه‌كو رێك و بان و كاره‌ب و ئاڤ و درۆستكرنا قوتابخانه‌كێ هاتینه‌ ده‌ستپێكرن‌ پرانیا وان رێكان ژی ئه‌ون یێن كۆ گه‌له‌ك گۆند دكه‌ڤنه‌ سه‌ر.

 ده‌ڤه‌ردارێ ئاكرێ دیاركر ژى ژ وان پرۆژه‌یێن كۆ ژبه‌ر قه‌یرانا دارایی هاتبوونه‌‌ راوستاندن كۆ هژماره‌كا گۆندێن كرستیانان ل ده‌ڤه‌را نه‌هلێ ژێ مفاداربوون نوكه‌ كۆژمێ ملیاره‌ك و 500 ملیۆن دیناران بۆ هاتینه‌ ته‌رخانكرن و د نۆكه‌دا ئه‌و پرۆژه‌ د بوارێ بجهئینانێدانه‌.

مازن محه‌مه‌د سه‌عید گۆت ژى حكۆمه‌تا هه‌رێما كوردستانێ ل دووڤ پێشنیارا رێڤه‌به‌ریا شونوارێن ئاكرێ ره‌زامه‌ندی ل سه‌ر كۆژمێ 177 ملیۆن دیناران بۆ نووژه‌نكرنا قشلا ئاكرێ دایه‌، چونكى مه‌ترسیا هه‌رفینێ لسه‌ر وێ قشلێ هه‌بوویه‌ لێ تانها نووژه‌نكرنا وێ نه‌كه‌فتیه‌ د بوارێ بجهئینانێدا.