ل پارێزگه‌ها دهۆكێ د هه‌لبژارتنێن ئیراقێ یێن ئه‌ڤجاره دا 86 هزار كه‌سێن نوو دێ به‌ر ده‌نگدانێ كه‌ڤن و ماف هه‌یه ده‌نگ بده‌ن.
به‌رپرسێ هه‌لبژارتنان ل لقا ئێك یا پارتی بۆ ئاژانسا خانی راگه‌هاند؛ ل پارێزگه‌ها دهۆكێ د خۆلا ئه‌ڤجاره یا هه‌لبژارتنێن ئیراقێ دا 86 هزار گه‌نجێن ژیێ وان گه‌هشتییه 18 سالان مافێ ده‌نگدانێ هه‌یه، هه‌روه‌سا سه‌رجه‌مێ گشتی یێ مافێن ده‌نگدانێ هه‌ی 777 هزار و 140 كه‌سن.
خالد ئه‌حمه‌د بۆ ئاژانسا خانی دیار ژی كر، 77 هزار كه‌سان كارتا خوه یا ده‌نگدانێ وه‌رنه‌گرتینه و گه‌ر تا دو هه‌فتیێن دی وه‌رنه‌گرن ئێدی مافێ ده‌نگدانێ نامینیت.
به‌رپرسێ هه‌لبژارتنان ل لقا ئیك گۆت ژی: 246 بنگه‌هێن ده‌نگدانێ و 1807 وه‌ستگه‌هـ بۆ هه‌لبژارتنان دێ هێنه دانان.
