شەرو پێکدادانێن فرۆکخانا کابوول کوشتى و بریندار هه‌نه‌

شەر و پێکدادانێن دناڤبه‌را هێزین ئه‌فغانى و هه‌ژماره‌كا چه‌كدارێن نه‌نیاس ل ده‌رگه‌هێ باكوورێ فرۆكخانا كابوول ئه‌ڤرۆ روودا و د ئه‌نجامدا  هه‌ژماره‌كا كه‌سان بونه‌ قوربانى.

سوپایێ ئه‌لمانیا ئه‌ڤ ده‌نگوباسه‌ پشتراستكر و راگه‌هاند: ئه‌ڤرۆ ل ده‌رگه‌هێ باكوورێ فرۆكخانا كابوول، شه‌ر و پێكدادان دناڤبه‌را هه‌ژماره‌كا ژ پاسه‌وانێن ئه‌فغانى  و چه‌ند هێرشبه‌رێن نه‌نیاس روویدا، پاسه‌وانه‌ك هاته‌ كوشتن و سێ یێن دى برینداربوون.

سوپایێ ئه‌لمانیا راگه‌هاند؛ هێزێن ئه‌لمانیا و ئه‌مریكا كو د ئه‌ركێ پاراستنا ئاسایشا فرۆكخانێ ب ستویێ خوه‌ڤه‌ گرتیه‌، تێكه‌لى شه‌رو ئالوزیان بوویه‌.