پارێزگه‌ها دهۆكێ ل دۆر كێم ئاڤیێ كۆمبوون

ب سه‌رپه‌رشتیا ماجد سه‌ید صالح جێگرێ پارێزگارێ دهۆكێ بۆ كارۆبارێن ته‌كنیكى ئه‌ڤرۆ رۆژا سێشه‌مبى دگه‌ل چه‌ند رێڤه‌به‌ر و نوونه‌رێن فه‌رمانگه‌هێن ئاڤێ و یێن په‌یوه‌ندیدار كۆمبوون.

دكۆمبوونێدا به‌حس ل  ئاریشا كێم ئاڤێ و هشكه‌سالیێ وكارتێكرنا وێ لسه‌ر كه‌رتێ چاندنێ و ڤه‌خارنا گشتى و چاوانیا چاره‌سه‌ركرنا ئاریشێ ب رێكا زێده‌كرنا ژێده‌رێن ئاڤێ و سه‌خبێركرنا بیرێن ئاڤێ و پرۆژێن ئاڤێ و كولانا بیرێن نوو هاته‌ كرن.

جێگرێ پارێزگارێ دهۆكێ دیاركر، دڤێت هه‌موو شیان بهێنه‌ مه‌زاختن و هه‌موو فه‌رمانگه‌هێن په‌یوه‌ندیدار پێكڤه‌كاربكه‌ن و به‌رهنگاریا هشكه‌سالیێ بكه‌ن.

بریاره‌ سوبه‌هى 18 ته‌باخێ كۆمبوونه‌كا به‌رفره‌هتر لسه‌ر ئاستێ چه‌ند وه‌زاره‌تێن حكومه‌تا هه‌رێمێ ل هه‌ولێرێ بهێته‌ سازكرن و بریارێن پێدڤى بهێنه‌ دان بۆ چاره‌سه‌ركرنا ئاریشێن هشكه‌سالیێ .