<h3 style="text-align: justify;"><span style="font-size: 18pt;">ل دووڤ رێككه‌فتنا دناڤبه‌را هه‌رێما كوردستانێ و به‌غدا دا، هنارتنا 200 ملیار دیناران هه‌یڤانه هه‌تا جێبه‌جێكرنا یاسایا بودجه‌ى دێ یا به‌رده‌وام بیت، ئه‌ندامه‌كێ لژنا دارایى یا جڤاتا نوونه‌رێن عێراقێ دبێژیت، مه زانیارى هه‌نه كو د ئاینه‌ده‌كێ نێزیك دا ماده‌یا 11 یاسایا بودجه‌ى دێ هێته جێبه‌جێكرن.</span></h3> <h3 style="text-align: justify;"><span style="font-size: 18pt;">د. ئه‌حمه‌د سه‌فار، ئه‌ندامێ لژنا دارایى یا په‌رله‌مانێ عێراقێ، ژ فراكسیۆنا پارتى دیموكراتى كوردستان، راگه‌هاند، هنارتنا 200 ملیار دیناران ژلایێ به‌غدا ڤه و ل دووڤ رێككه‌فتنا دناڤبه‌را هه‌ردوو سه‌رۆكوه‌زیرێن هه‌رێمێ و حكومه‌تا فیدرالى، رێككه‌فتن هه‌تاكو وى ده‌مێ دهێته جێبه‌جێكرن، كو یاسایا بودجا سالا 2021ێ بودجا عێراقێ دكه‌ڤیته دوارێ جێبه‌جێكرنێ دا، ب تایبه‌ت مادێ 11 دناڤ یاسایا بودجه‌ى دا.</span></h3> <h3 style="text-align: justify;"><span style="font-size: 18pt;">راگه‌هاند ژى: كو د نوكه دا هووركارى دهێنه كرن بۆ جێبه‌جێكرنا مادێ 11 ژ یاسایا بودجه‌یا عێراقێ،كو یا تایبه‌ته ب هه‌رێما كوردستانێ، ئه‌گه‌ر هات و ماده هاته جێبه‌جێكرن، ل وى ده‌مى شایسته‌یێن دارایێن هه‌رێما كوردستانێ و ل دووڤ رێككه‌فتن و یاسایا بودجه‌ى بهێته ره‌وانه‌كرن.</span></h3> <h3 style="text-align: justify;"><span style="font-size: 18pt;">د.ئه‌حمه‌د سه‌فار دبێژیت: ئه‌و ئاریشێن دناڤبه‌را هه‌رێمێ و به‌غدا دا هه‌یه ده‌رباره‌یى داهاتیێن نه نه‌فتى، ئانكو چ ئاریشه‌ك ل سه‌ر داهاتێ نه‌فتێ نینه،ل دووڤ زانیاریێن من بزاڤه‌كا زۆر هه‌یه د ئاینده‌كێ نێزیكدا هه‌ردوو لایه‌ن بگه‌هنه ئه‌نجامه‌كى و ئه‌و ماده‌یێ یاسایا بودجه‌ى كو یا تایبه‌ته ب هه‌رێما كوردستانێ ڤه بهێته جێبه‌جێكرن.</span></h3>
