ئه‌نتۆنیۆ گۆتیرێس، سكرتێرێ گشتی یێ نه‌ته‌ویێن ئێكگرتی راگه‌هاند؛ تالیبانێ پێشێلكاری ل سه‌ر مافێن مرۆڤی ل ئه‌فغانستانێ كرینه ب تایبه‌ت ل دژی ژن و رۆژنامه‌ڤانان و داخواز كر شه‌ڕی ب راوه‌ستینیت، میدیایێن ئه‌مریكی ژی راگه‌هاندییه؛ ئه‌مریكا ب رێكا زالمای خه‌لیلزاد، داخواز ژ تالیبانێ كریه كو د كۆنترۆلكرنا كابوولێ دا هێرشی بالیۆزخانا وان نه‌كه‌ت و ل به‌رامبه‌ر ژی دا واشنتۆن دێ به‌رده‌وامبیت ب پێدانا هاریكارییان بۆ وێ حكومه‌تا تالیبان پێكهێنه‌را وان یا سه‌ره‌كی.
سه‌رۆكوه‌زیرێن به‌ریتانیا ژی گۆتییه: ئه‌و كابولێ بجهـ ناهێلن، هه‌روه‌سا ناتۆ ژی راگه‌هاندییه، دێ هاریكاریا ئه‌فغانستانێ كه‌ن و دبلۆماتكارێن خوه ناڤه‌كێشن، رۆسیا ژی راگه‌هاندییه؛ بڕیارا جۆ بایدن، سه‌رۆكێ ئه‌مریكا یا ڤه‌كێشانا هێزێن ئه‌مریكی و ناتۆ ژ ئه‌فغانستانێ ب ئه‌گه‌رێ شه‌ڕی یه.
