به‌رهه‌م سالح: دڤێت قوربانیێن كۆمه‌لكوژییا بارزانییان بهێنه‌ قه‌ره‌بووكرن

سەرۆککۆمارێ عێراقێ دبێژیت، “کۆمەڵکوژییا بارزانییان تاوانه‌كه‌ ناهێته‌ ژبیركرن و پێدڤى ب ساڕێژبوون و قەرەبووکرنا قوربانییانه‌.”

ئەڤڕۆ شەمبى31-07-2021 و د 38ه‌مین ساڵیادا جینۆسایدکرنا بارزانییان، بەرهەم ساڵح، سەرۆککۆمارێ عێراقێ د تویته‌كیدا راگەهاند، “پاراستنا مافێن گەل و رێگرییكرن ل سەرهەڵدانەڤه‌یا دیکتاتۆریەت و تاوانکاریێن پێدڤى ب ئێكرێزى بۆ خزمەتا خەڵک و به‌رهه‌نگاربوونا ئاستەنگ و ئەگەرێن سەختێن ئەڤى سەردەمى.”

سپێده‌هییا 31ێ تیرمه‌ها سالا 1983 ب فەرمانا راستەوخوه‌یا سەدام حوسێن، سەرۆککۆماری ئەوێ ده‌مى یێ عێراقێ جینۆسایدا بارزانییان دەستیپێکر.

پرۆسه‌ ژى ژ لایەنێ رێڤه‌به‌راتییا”ئەمنا شیمال” ڤه‌ سەرپەرشتی دهاته‌ كرن و بارزانی ل وى ده‌مى ئاكنجیێن کۆمەڵگەها بەحرکێ بوون ، قوشتەپە و باژێر و  باژێركێن هەریر و سۆرانی ڤه‌گرتن. ئەوێن ژیێ وان ل سەر نه‌هـ ساڵان بوو هەموو هاتنه‌ دەسته‌سه‌ركرن. 

د وێ پرۆسەیێ دا 80 هزار بارزانی هاتنه‌ دەسته‌سه‌ركرن و ڤه‌گۆهاستنه‌ ژێرییا عێراقێ و د چەند گۆڕه‌کێن ب کۆمەڵ دا ب زیندى هاتنه‌ بن ئاخكرن.