مه‌سرور بارزانى پتر ژ ملیاره‌ك و 600 ملیۆن دیناران بۆ چەند پرۆژەیان ل سلێمانیێ ته‌رخانكرن

ب بڕیارا مەسرور بارزانی، سەرۆکوەزیرێن هەرێما کوردستانێ زێده‌تر ژ ئێك ملیار و 600 ملیۆن دینار بۆ چەند پرۆژەیەكان ل سلێمانیێ دێ هێنه‌ ته‌رخانكرن.

فەرمانگەها میدیا و زانیارىیا هەرێما کوردستانێ راگه‌هاندنه‌ك به‌لاڤكرییه‌ و دبێژیت: ل سه‌ر راسپارده‌یا مه‌سرۆر بارزانى،سەرۆکوەزیرێن هەرێما کوردستانێ كوژمێ 1 ملیار و 617 ملیۆن و 640 هزار دینار بۆ چەند پرۆژەیەكان ل سلێمانیێ هاتنه‌ ته‌رخانكرن.

ئه‌و كوژمێ پاره‌یى وه‌ك د راگه‌هاندنێدا هاتى بۆ ئه‌ڤان پرۆژانه‌:

-پرۆژەیێ نەخۆشخانەیا 200 ته‌ختێن زارۆكان و زارۆكبوونێ، کو ژ وى كوژمێ بودجه‌یا ئێك ملیار  و 384 ملیۆن دیناری بۆ  هاتینه‌ تەرخان کرن.

-پرۆژەیێ نەخۆشخانەیا 200 ته‌ختێن رۆماتیزمێ و چارەسەرییا سرووشتی، کو كوژمێ 233 ملیۆن و 640 هزار دیناری بۆ  هاتینه‌تەرخان کرن.