خەزعەلی گه‌فێن زێده‌تر ل ئه‌مریكا كرن

ئەمیندارێ گشتی یێ میلیشیایێن عەسائیب ئەهلولحەق یا ئیراقێ، گه‌فێن زێده‌تر ل هێزێن ئه‌مریكا كرن و راگه‌هاند، میلیشیایێن حه‌شدا شه‌عبى بریارا زێده‌كرنا هێرشێن خوه‌ ل سه‌ر به‌رژه‌وه‌ندیێن ئه‌مریكا ل ئیراقێ دایه‌.

قەیس خەزعەلی، ئه‌میندارێ گشتى یێ میلیشیایێن عه‌سایب ئه‌هلولحه‌ق راگه‌هاند، ئه‌و چ جاران ده‌ستبه‌ردارى هه‌رلبژارتنا سه‌ربازى دژى هێزێن ئه‌مریكا نابن، تا وى ده‌مێ ئیراقێ ب جهـ دهێلن.

خه‌زعه‌لى د گۆتنێن خوه‌دا چ بها بۆ هێزێن ئه‌منى و سه‌ربازى یێن ئیراقى نه‌دانا و ئاشكرا كر كو حه‌شدا شه‌عبى تاكه‌ هێز شه‌رعى و قانوونى یا ئیراقێ یه‌.