سه‌رۆك بارزانی پێشوازی ل شیره‌تكارێ ئێمناهییا ئیراقێ كر

سه‌رۆك مه‌سعود بارزانى، پێشوازی ل شیره‌تكارێ ئێمناهییا نشتیمانی یا ئیراقێ كر و په‌یوه‌ندیێن هه‌ولێر و به‌غدا و رێككه‌فتنا شنگالێ گۆتوبێژكرن.

سەرۆک مه‌سعود بارزانی پێشوازی لە قاسم ئەعرەجی، شیره‌تكارێ ئێمناهییا نشتیمانی یا ئیراقێ و شانده‌كێ دگه‌لدا كر كو پێكهاتبوون ژ فه‌ریق روكن عه‌بدولئه‌میر شه‌مه‌ری، جێگرێ فه‌رمانده‌یا ئۆپه‌راسیۆنێن هه‌ڤپشك، حه‌مید شه‌تری، جێگرێ ده‌زگه‌هێ ئێمناهییا نشتیمانی و لیوا روكن سه‌عه‌د نه‌عیم عه‌بدوللا، رێڤه‌به‌رێ ده‌سته‌یا پلاندانانا ئۆپه‌راسیۆنێن هه‌ڤپشك.

د كۆمبوونێ دا ره‌وشا مه‌یدانی یا هێلێن ته‌ماس و گه‌فێن داعشی ل ناڤچه‌یێن ناكۆك ل سه‌ر هاتن گۆتوبێژكرن و ته‌كه‌ز ل كارێ هه‌ڤپشكێ د ناڤبه‌را هێزێن پێشمه‌رگه‌ و هێزێن ئیراقی دا ژ بۆ رووبرووبوونا تیرۆرێ و نه‌هێلانا ئاسته‌نگیێن به‌رده‌وام كرن.

په‌یوه‌ندیێن د ناڤبه‌را هه‌رێما كوردستانێ و به‌غدا و ره‌وشا شنگالێ ته‌وه‌ره‌كێ دی یێ روونشتنێ بوو.