پارێزگەها دهۆکێ قه‌ده‌غه‌یا ده‌ركه‌فتنێ ل جه‌ژنێ راكر

ژوورا ئۆپه‌راسیۆنێن پارێزگه‌ها دهۆكێ راگه‌هاند، ل دووڤ بەیانا وەزارەتا ناڤخوه‌ ل ۷ی گولانا ۲٠۲۱ بۆ رۆژێن جەژنا رەمەزانا پیرۆز، دگەل بەرچاڤ وه‌رگرتنا هەموو رێکارێن ساخله‌مى و خوه‌ دووركرن ژ سەره‌دان و چوونا مالان ب مەرەما جەژن و هەر مەرەمەکا دیتر و جهێن قەرەبالغ و چێکرنا قەرەبالغێ بدەنە پاش، بریار هاته‌ دان هاتنووچوون ل رۆژێن جەژنێ دگەل بەرچاڤگرتنا رێنماییێن خۆپاراستنێ ژ نه‌خۆشیا کۆرۆنایێ دێ ئاسایی بیت.

ژوورا ئۆپه‌راسیۆنێن پارێزگه‌ها دهۆكێ ئاشكرا ژ كر، هەرجورە خرڤەبوون و قەرەبالغی ل جهێن گشتی و گەشتیاری قەدەغەیە، نڤێژا جەژنێ ژى دێ هێتەکرن ب هەمان رێنمایێن پێشتر کو ل مزگەفتا دهاتنە پەیرەوکرن.

ل گۆره‌ى بریارێن ژوورا ئۆپه‌راسیۆنێن پارێزگه‌ها دهۆكێ، هاتنووچوونا د ناڤبەرا پارێزگەهێن هەرێمێ دگەل پارێزگەهێن ئێراقێ ل دووڤ بەیانا ژمارە (۱٥) یا سالا ۲٠۲۱ هەروەکو خۆ دێ قەدەغە بیت، بتنێ بۆ ئەو حالەتێن کو د بەیانێ دا هاتی دێ ڕێ هێتەدان.