دادگەها 26 یا سزایێن گران ل ستەنبۆلێ سزایێ زیندانكرنێ ب 4 سال و 8 هه‌یڤان ب سەر سه‌لاحه‌ددین ده‌میرتاش، هه‌ڤسه‌رۆكێ به‌رێ یێ پارتییا دیمۆكراتیك یا گه‌لان هه‌ده‌پێ دا سه‌پاندن، دادگەها بلند یا تورکیا ژى ئه‌و سزا په‌سه‌ندكر.
ئومیت دەدە، جێگرێ هه‌ڤسه‌رۆكێ هەدەپێ و بەرپرسێ کاروبارێن قانوونی یێ حزبێ راگەهاند، دادگەها بلند ل رۆژا دەستپێکرنا دادگه‌هکرنا تایبەت ب روودانێن کۆبانێ ئەو بریارە پشت راستکرییه.
سەلاحەدین دەمیرتاش، هه‌ڤسەرۆکێ به‌رێ یێ هەدەپێ، ژبه‌ركو ل رۆژا 17 ئادارا 2013 د گوتاره‌كێ دا ب هه‌لكه‌فتا جەژنا نەورۆزێ په‌یڤا “شەهید” بۆ گەریلایێن په‌كه‌كێ ب کارئینابوو، ژ لاێێ دادگه‌ها توركیا ڤه سزایێ زیندانكرنێ ل سه‌ر هاته سه‌پاندن.
