دبەردەوامیا شەر و پەڤچوونێن دناڤبەرا چەکدارێن پارتییا كاركه‌رێن كوردستانێ پەکەکێ و سوپایێ تورکیا دا ل دەڤەرێن سنۆری بەردەوامە، سوپایێ تورکیا ژى ب رێکا توپخانە و فرۆكێن هێلیکۆپتەر بنارا زنارا کێستە و بلنداهیێن گوندێ هرۆرێ تۆپباران دكه‌ن و تا نها به‌رده‌وامه. مەحمود کێستەیی، موختارێ گوندێ كێسته بۆ خانی نیوز راگەهاند، ژحەفتیا بوورى و تا نها و پشتی گرتنا زنارا کێستە ژلایێ تورکیا ڤە تۆپبارانكرن و شەر بەردەوامە، ژیانا گوندییان ژى کەفتیە د ترسێ دا، هیڤی ژى خواستن حکومەتا هەرێما کوردستانێ دهەوارا گوندێن سنۆری بچیت.
موختاری دیار ژى کر، ب ڤی رەنگی بیت دێ گوندێن خوه چوولکرن و خەلکێ ئەو شیان نینن قەستا جهەکێ دی بکەن، نها ژی تۆپباران بەردەوامە و نەشێن ژمالێن خوە دەرکەڤن و ژیان ل گوندێن سنۆری بوویە دوزەخ و نە ب رۆژ و نە ب شەڤ نەشێن ژیانا خوە دەرباز بکەن.
