مشعان جبووری، کەسایەتێ سیاسيێ ئیراقێ، ئێک ژ ھوکارێ ھێرشکرنا سەر ھەولێرێ ژلایێ میلیشیایان ڤە ئاشکرا كر و راگەھاند، میلیشیایێن کوشتن و تێکدان و وێرانکرنێ نە، چاڤێن وان ب گەشەپێدانا ھەولێرێ رانابن.
مشعان جبووری د تویتەکی دا د ھه‌ژمارا خوە یا تایبەت دا ئاشكرا كر، گەشەپێدانا ھەولێرێ و سەرکەفتنا وێ یا بەرچاڤ ل ھەموو جیھانێ وەکرییە کو ببیتە کۆمەلگەھەکا مەدەنی و ئارام بۆ ھەموویان، ئەڤە ژی بوویە ئەگەر كو میلیشیایێن کوشتن و تێکدانێ و وێرانکرنێ تۆرە بن و ب مۆشەک و فرۆکێن بێفرۆکه‌ڤان بکەنە ئارمانج.
شەڤا ١٤ نیسانا ٢٠٢١ێ وەزارەتا ناڤخۆیا ھەرێما کوردستانێ راگەھاندبوو، کو ھێرشا سەر فرۆکخانەیا ناڤدەولەتییا ھەولێرێ ب رێکا تی ئێن تی بوویە، ئاراستەیی بنگەھێ ھێزێن ھەڤپەیمانان ھاتبوو کرن دناڤ فرۆکخانێ دا، لێ چ زیانێن گیانی نەبوون، بتنێ زیانێن مادی ب ئاڤاھیێ فرۆکخانێ کەفتینە.
