مه‌سروور بارزانى پێشوازى ل بالیۆزێ رۆسیا ل ئیراقێ كر

ب مه‌ره‌ما خاترخواستنێ و داوى هاتنا ئه‌ركێ وى، بالیۆزێ رۆسیا ل ئیراقێ سه‌ره‌دانا سه‌رۆكێ حكومه‌تا هه‌رێما كوردستانێ  كر.

مه‌سروور بارزانى، سه‌رۆكێ حكومه‌تا هه‌رێما كوردستانێ ئه‌ڤرۆ پێشوازى ل ماكسیم ماكسیمۆڤ، بالیۆزێ رۆسیا ل ئیراقێ و ئۆلێگ لێڤین، كۆنسۆلێ گشتى یێ رۆسیا ل هه‌ولێرێ كر و داوى پێشهاتێن ئیراقێ و ده‌ڤه‌رێ و پێشخستنا په‌یوه‌ندییێن هه‌ردو لایان گۆتۆبێژكرن.

بالیۆزێ رۆسیا ل ئیراقێ ستاییشا ئه‌زموونا سه‌ركه‌فتى یا هه‌رێما كوردستانێ كر ب تایبه‌تى د وارێن ئاڤه‌دانكرن و گه‌شه‌پێدانێ دا كو دشێت ببیته‌ نموونه‌ بۆ ده‌ڤه‌رێن دى یێن ئیراقێ و ئاماده‌ییا وه‌لاتێ خوه‌ ژى بۆ پێشخستنا په‌یوه‌ندییان د هه‌موو واران دا دگه‌ل هه‌رێما كوردستانێ ده‌ربرى.

ژلایێ خوه‌ڤه‌ سه‌رۆكێ حكومه‌تێ تیشك به‌ردا سه‌ر په‌یوه‌ندییێن هه‌رێما كوردستانێ و ئیراقا فیدرال دا و دوپاتى ل گرنگییا چاره‌كرنا كێشه‌یان ل سه‌ر بنه‌مایێ ده‌ستوورى ب هه‌ماهه‌نگییا هه‌ردو لایان دا كر بۆ رووبرووبوونا هێرشێن تیرۆرێ، سۆپاسییا بالیۆزی رۆسیا ژى كر بۆ رۆلێ وان د پێشڤه‌برنا په‌یوه‌ندییێن دو قۆلى دا.