<h3><span style="font-size: 18pt;">سه‌رۆكێ حكومه‌تا هه‌رێما كوردستانێ پێشوازی ل بالیۆزێ ئه‌مریكا ل ئیراقێ كر</span></h3> <h3><span style="font-size: 18pt;">مه‌سرور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ رۆژا دوشه‌مبیێ پێشوازی ل ماتیۆ توله‌ر، بالیۆزێ ئه‌مریكا ل ئیراقێ كر و د كۆمبوونێ دا گۆتوبێژا داوی پێشهاته‌یێن ئیراقێ و په‌یوه‌ندیێن هه‌رێما كوردستانێ و ویلایه‌تێن ئێكگرتی یێن ئه‌مریكا كرن.</span></h3> <h3><span style="font-size: 18pt;">بالیۆزێ ئه‌مریكا ل ئیراقێ، دوپاتی خسته سه‌ر دیالۆگا ستراتیجی یا ئه‌مریكی ئیراقی و ئاماژه كر كو ئه‌مریكا دێ د چارچۆڤێ هێزێن هه‌ڤپه‌یمانان دا به‌رده‌وام بیت ل سه‌ر پشته‌ڤانییا سوپایێ ئیراقێ و پێشمه‌رگه‌ی د رووبرووبوونا گه‌فێن داعشێ دا.</span></h3> <h3><span style="font-size: 18pt;">ماتیۆ تۆله‌ر، په‌سنا چاكسازیێن حكومه‌تا هه‌رێما كوردستانێ ژی كر ب تایبه‌ت، پێنگاڤێن چاكسازیێ ل وه‌زاره‌تا پێشمه‌رگه.</span></h3> <h3><span style="font-size: 18pt;">سه‌رۆكێ حكومه‌تێ ژی ژ ئالیێ خوه ڤه سوپاسی و پشته‌ڤانییا بالیۆزێ ئه‌مریكا كر د په‌سه‌ندكرنا یاسایا بودحه‌ی دا و دوپاتكر، حكومه‌تا هه‌رێمێ دێ پابه‌ندبیت ب بجهئینانا یاسایا بودجه‌ی و داخواز ژی كر، حكومه‌تا فیدرال ئه‌ركێن خوه ل به‌رانبه‌ر هه‌رێما كوردستانێ د چارچۆڤێ یاسایا بودجه‌ی دا بجهبینیت.</span></h3> <h3></h3>
