رێڤه‌به‌رێ گشتی یێ كاروبارێن ئێزدییان ل وه‌زاره‌تا ئه‌وقافێ راگه‌هاند؛ رێوه‌ره‌سمێن جه‌ژنا چارشه‌مبا سه‌رێ نیسانا ئێزدیان و ته‌وافێن ئێزدیان ناهێن گێڕان.
خه‌یری بۆزانی، رێڤه‌به‌رێ گشتی یێ كاروبارێ، ئێزدییان ل وه‌زاره‌تا ئه‌وقافێ بۆ خانی نیوز گۆت: جه‌ژنا چارشه‌مبا سه‌رێ نیسانێ یا ئێزدیان دكه‌ڤیته 14 یێ ڤێ مه‌هێ ل رۆژا چارشه‌مبویێ، لێ رێوره‌سم ژ به‌ر ڤایرۆسێ كۆرۆنا ناهێن گێڕان و هه‌روه‌سا رێوره‌سمێن هێڤارا جه‌ژنێ و هه‌لكرنا فتیلان ژی ل لالشێ ناهێن گێڕان.
خه‌یری بۆزانی گۆت ژی: ل دۆر ته‌وافێن ئێزدیان ژی ئه‌و دێ ل به‌ندا بڕیار و ڕێنمایێن لژنا بلندا رووبرووبوونا كۆرۆنایێ مینن لێ ب گشتی رێوره‌سمێن ته‌وافان ل چ گوندان ناهێن گێڕان و ل گۆر گۆتنا وی: ئه‌و دزانن ئێزدی هه‌ر دێ ل هه‌ڤ كۆمبن و ته‌وافان گێڕن له‌ورا پێدڤییه خه‌لك یێ هشیاربیت و خوه بپارێزیت.
