ل گۆری راگه‌هاندنا سەرۆکایەتییا هەرێما کوردستانێ د كۆمبوونێ دا، به‌ڕێزان جێگرێن سه‌رۆكى ئاماده ببوون، و ره‌وشا ئیراقێ و ده‌ڤه‌رێ، په‌يوه‌نديیێن ده‌ره‌كییێن هه‌رێما كوردستانێ، سه‌ردانا سه‌رۆك نێچيرڤان بارزانى بۆ فه‌ره‌نسا، و ڕۆڵێ هه‌رێما كوردستانێ د هاوكێشه‌یا سياسييا نها دا، په‌يوه‌نديێن هه‌ولێڕ ـ به‌غدایێ، ديالۆگا ستراتيژيیا ئه‌مه‌ريكا ـ ئیراق و پشكداری و ڕۆڵێ هه‌رێما كوردستانێ دناڤدا، هه‌ڵبژارتنێن ئیراقێ، ره‌وشا ناڤخوه‌یى و په‌يوه‌نديیێن د ناڤبه‌را پێكهاته و لايه‌نێن سياسيى هاتنه گۆتوبێژكرن.
هه‌روه‌سا ئاماژه‌كریه، د كۆمبوونێ دا سه‌ره‌رای دووپاتى و ده‌ستخۆشى و پێزانین بۆ ده‌ستپێشخه‌رییا سه‌رۆكایه‌تییا هه‌رێما كوردستانێ بۆ كۆمڤه‌كرنا هێز و لایه‌نێن سیاسى، د سه‌قایه‌كێ ڤه‌كرى دا ئاریشه و نیگه‌رانیێن لایه‌نان هاتنه گۆتوبێژكرن، و په‌سه‌ندكرنا یاسایا بۆدجه‌یا ئیراقێ ب پێنگاڤه‌كا ئه‌رینى دانا، و جه‌خت ل سه‌ر ره‌وشا نوكه یا هه‌رێمێ كرییه، و پاراستنا ده‌ستكه‌فتان، و هه‌ستكرن ب به‌رپرسیاره‌تییان، پێكڤه‌كاركرن، ئازادییا ده‌ربرینێ و دانانا چوارچووڤه و میكانزمه‌ك بۆ به‌رده‌وامییا ڤان كۆمبوونا كره‌ڤه.
سه‌رۆك نێچيرڤان بارزانى سوپاسییا هێز و لايه‌نه‌ێن سياسيى كرن بۆ هاتنا وان ل سه‌ر داخوازا وى و سازدانا ئه‌ڤێ كۆمبوونێ.
