لژنەک بۆ بجھئینانا رێککەفتنا ئیراقی ئەمریکی ھات پیکئینان

سەرۆکوەزیرێ ئیراقێ بریار دا لژنەیەک بۆ بجھئینانا رێکەفتنا سەربازی یا د گەل ئەمریکا بھێت پێکئینان.

لیوا یەحیا رەسوول، پەیڤدارێ سەربازی یێ مستەفا کازمی، فەرماندارێ گشتیێ ھێزن چەکدارێن ئیراقی راگەھاند، ل سەر راسپاردا لژنا دانوستاندکار یا دیالۆگا ستراتیژی یا ئیراقی ئەمریکی ب مەرەما دانانا میکانیزمەکێ بۆ بجھئینانا رێککەفتنا سەربازی و ئەمنی، بریارا پێکئینانا لژنەیەکا تەکنیکی ھات دان.

رەسوول ئاشکرا کر، لژنە دێ ب سەرۆکاتییا سەرۆئەرکانێ سوپایێ ئیراقێ بیت و دێ د وارێن تەکنیکی و ھونەری و دانانا میکانیزما بجھئینانا رێککەفتنێ د گەل ئالیێ ئەمریکی دانوستاندنان کەت. 

ل گۆرەی ئاگاھیێن شاندێ ئیراقی ھەردو ئالی رێککەفتینە ئەمریکا ھێزێن خوە ژ ئیراقێ ڤەکێشن و ئەرکێ ھێزێن ھەڤپەیمانان ژ ئۆپەراسیۆنان ببیتە مەشق و راھێنانا ھێزێن ئیراقی.