فرۆکەیێن تورکیا گوندێ سگێرێ بۆمبەباران کر

فرۆکەیێن جەنگی یێن تورکیا گوندێ سگێرێ ل دەڤەرا نهێلێ ل سنورێ دەڤەردارییا ئامێدیێ بۆمبەباران کر.

پەیامنێرێ خانی نیوز ل ئامێدیێ راگەهاند، ئێڤارییا ئەڤرۆ ل دەمژمێر 6:24 گوندێ سگێرێ ل دەڤەرا نهێلیان ل سنۆرێ دەڤەردارییا ئامێدیێ ژلایێ فرۆکەیێن تورکیا هاتە بۆمبەباران کرن.

پەیامنێرێ خانی نیوز دیارکر ژی: هەرچەند ئەو گوندە د ئاڤەدان نینن داكو زەره‌ر و زیانێن وێ بۆمبەبارانێ بزانن، لێ بۆمبەبارانا گوندێ سگێرێ نێزیکی گوندێ سەرگەلی یە کو گوندەکێ ئاڤەدانە و نێزیکی 60 مالان تێدانە و ئەڤ بۆمبەبارانە کێمتری 500م دووری وی گوندییە، ترس و دودلییەکا مەزن بۆ خەلکێ گوندێ سەرگەلی پەیداکریە .

ب به‌هانه‌یا هەبوونا بنگەهـ و بارەگایێن گەریلایێن پارتییا كاركه‌رێن کوردستانێ پەکەکێ بەردەوام فرۆکەیێن تورکیا ناڤچەیێن دەڤەردارییا ئامێدیێ بۆمبەباران دکەن.

خانى نیوز، هەیوار ستار