نۆشدارێن تورکیا: هه‌كه‌ کەرەنتین نه‌هێته‌ راگه‌هاندن ره‌وش دێ ژبه‌ر ده‌ست ده‌ركه‌ڤیت

پرۆفیسۆر کایهان پالا، ئەندامێ دەستەیا رێڤه‌برنا کۆمەلا نۆشدارێن تورکیا و بەرپرسێ دووڤچوونا كۆرۆنایێ ل وێ كۆمه‌لێ راگه‌هاند، رێژا تووشبوونێ ب کۆرۆنایی د بلندبوونی دایه‌، هنده‌ دێ ل ژێر كونترۆلا وان ‌دا ده‌ركه‌ڤیت، پێدڤییە حکومەت ب زووترین ده‌م رێکارێن توند بگریتەبەر و هەر سوبه‌هى بۆ ده‌می هه‌یڤه‌كا ته‌مام قەدەغه‌یا ده‌ركه‌فتنا گشتگیر و کەرەنتینا سەرانسەری رابگەهینیت، هه‌كه‌ نه‌هێته‌ راگه‌هاندن دێ كار ژبه‌ر ده‌ستێ ده‌ركه‌ڤیت.

گۆت‌ ژى: کۆرۆنایا خوه‌گوهۆرا ئینگلتەرا، ئەفریقیا باشوور و بەرازیل كارتێكرنا راستەوخۆ كرییه‌ سەر ره‌وشا ساخله‌مییا تورکیا، ب ڤێ چه‌ندێ رێژا مرنێ زێده‌بوویه‌.

پرۆفیسۆر کایهان پالاى گۆت‌ ژى، هه‌كه‌ بۆ ده‌مێ 28 رۆژێن ته‌مام، کەرەنتینا سەرانسەری و قەده‌غه‌یا گشتگیر بهێته‌ ‌راگه‌هاندن، دێ رێژا تووشبوونێ ب كۆرۆنایێ كێم بیت.