رۆژناما لیمون دیبلوماتیك یا فره‌نسى ب 18 زمانان ل 32 وه‌لاتان دهێته به‌لاڤكرن و تا نها هه‌ژمارا 61 یا رۆژناما لیمون دیبلوماتیك ب دیجیتالی ده‌ركه‌تییه ژبه‌ر به‌لاڤبوونا كۆرۆنایێ نها ب شێوازێ دیجیتالى ده‌ردكه‌ڤیت.
ئارمانج نێروه‌یی، شیره‌تكارێ رۆژناما لیمون دیبیلوماتیك یا فره‌نسى دیاركر، ل ده‌مه‌كێ نێزیك رۆژناما لیمون دیبلوماتیك ب زمانێ كوردى و ب زاراڤێ كرمانجى ل دهۆكێ هێته ڤه‌كرن و نڤێسه‌ر و ره‌وشه‌نبیرێن دهۆكێ دشێن نڤێسینێن خوه د وێ رۆژنامێ دا به‌لاڤ بكه‌ن.
ئارمانج نێروه‌یی گۆت ژی: وان ب فه‌رمى رێپێدان ژ رۆژناما لیمون دیبلوماتیك یا فره‌نسى وه‌رگرتییه كۆ ئه‌و رۆژنامه ب زاراڤێ كرمانجى ل دهۆكێ كاربكه‌ت و هه‌ر ل هه‌رێما كوردستانێ بهێته چاپكرن و گۆت ژی پارێزگارێ دهۆكێ پشته‌ڤانیا خوه بۆ ڤه‌كرنا وێ رۆژنامێ ل دهۆكێ دیاركریه.
