فراكسیۆنا گۆڕان بایكۆتا كۆمبوونا په‌رله‌مانێ كوردستانێ كر

ژئه‌گه‌رێ نه‌رازیبوونێ ژ بریارا سه‌رۆكاتییا په‌رله‌مانێ كوردستانی بۆ ده‌رئێخستنا شیرین ئه‌مین په‌رله‌مانتارا فراكسیۆنا ل سه‌رداخوازبیا فراكسیۆنا ئێكه‌تیێ، فراكسیۆنا گۆران بایكۆنا كۆمبوونا ئه‌ڤرۆ یا په‌رله‌مانێ كوردستانی كر كو تایبه‌ت بوو ب‌ به‌حسكرنا ئاریشه‌یێن پارێزگه‌ها هه‌له‌بجه‌.

گوڵستان سەعید، سەرۆکا فراکسیۆنا گۆڕان ل پەرلەمانێ کوردستانێ ب رۆژنامه‌ڤانان راگه‌هاند، فراكیسۆنا وان ژ بریارا سه‌رۆكاتییا په‌رله‌مانى یا ده‌رخستنا شیرین ئه‌مین په‌رله‌مانتارا فراكسیۆنا وان نه‌رازیبوو، له‌ورا وان بریاردایه‌ بایكۆتا روونشتنا په‌رله‌مانى بكه‌ن.

د كۆمبوونا ئه‌ڤرۆ یا په‌رله‌مانێ كوردستانێ ل سه‌ر ناڤئینانا مام جه‌لال تاله‌بانى، سه‌رۆك كۆمارێ به‌رێ یێ ئێراقێ  ژ لایێ شیرین ئه‌مین ئه‌نداما فراكسیۆنا گۆڕان ل په‌رله‌مانێ كوردستانی و تاوانباركرنا وى ب ئازادكرنا ئه‌و فروكه‌ڤانێن هه‌له‌بجه‌ كیمیاباران كرین، ئالۆزى دكۆمبوونا ئه‌ڤرۆیا په‌رله‌مانى دروست بوون.