سه‌رۆكێ حكومه‌تا هه‌رێما كوردستانێ پێشوازی ل سه‌رۆكێ ئیتیلافا نشتیمانی یا سووریا كر.
مه‌سرور بارزانی، ئه‌ڤرۆ ل هه‌ولێرێ پێشوازی ل نه‌سر حه‌ریری و شاندێ دگه‌ل دا كر، و د كۆمبوونا خوه دا داوی ره‌وشا سیاسی یا سووریا و ناڤچێ و بزاڤێن چاره‌كرنا كێشه‌یێن وێ گۆتوبێژكرن، سه‌رۆكێ ئیتیلافا نشتیمانی سوپاسییا هه‌لوه‌ستێ دۆستانه یێ هه‌رێمێ و داخوازیێن وێ یێن ره‌وا ل به‌رانبه‌ر گه‌لێ سووریا كر كو د سه‌ر قه‌یرانا ئابوری دا ده‌رگه‌هێن خوه ل كۆچبه‌ر و ئاواره‌یان ڤه‌كرینه.
سه‌رۆكێ حكومه‌تا هه‌رێمێ ژی ئاماژه كر، پشته‌ڤانییا هه‌موو بزاڤه‌كێ دكه‌ن ژ بۆ چاره‌كرنا كێشه‌یێن سووریا ب شێوه‌یه‌كێ ئاشتیانه و ب ئاراسته‌یا سه‌قامگیرییا ئاشتی و ئارامیێ ل ناڤچه‌یێ، هه‌روه‌سا دابینكرنا مافێن هه‌موو پێكهاته و گه‌لێن سووریا، د ناڤا وان ژی دا مسۆگه‌ركرنا داخوازیێن ره‌وا یێن گه‌لێ كورد ل وی وه‌لاتی.
مه‌سرور بارزانی، دلگرانییا خوه ژی ل به‌رانبه‌ر وان پێشێلكاری یێن ل عه‌فرینێ روودده‌ن دیاركر و خواست رێگریێ لێ بكه‌ن.
