دژه‌تیرۆرا هه‌رێمێ دانپێدانا تاوانباره‌كێ هێرشا هه‌ولێرێ به‌لاڤكر

دژه‌تیرۆرا هه‌رێما كوردستانێ د راگه‌هاندنه‌كێ دا دانپێدانا تاوانبا‌ره‌كێ سه‌ره‌كیێ هێرشا مووشه‌كییا سه‌ر هه‌ولێرێ به‌لاڤكریه‌ و راگه‌هاندییه‌، ژ بلى ئه‌ڤى تاوانبارى دوو تاوانیارێن دى ژى یێن ماین و بزڤا گرتنا وان ژى دهێـته‌ كرن.

ئه‌ڤه‌ ژى ده‌قێ راگه‌هاندنێ یه‌:

‏‎پشتى كو ل شه‌ڤا 2021-2-15 هێرشه‌كا مووشەکی  هاتییه‌ كرن بۆ  سەر باژێرێ هەولێرێ و فڕۆکەخانەیا ناڤدەڵەتییا هەولێرێ، کو ژمارا وان 14 مووشەک بوون و بوویه‌ ئه‌گه‌رێ گیانژدەستدانا بەڵێندەره‌كێ بیانی و وه‌ڵاتییەکێ ئیراقی و برینداربوونا 5 سەربازێن ئەمریکی و دوو وه‌ڵاتیێن سڤیل، هێزێن ئەمنیێن هەرێما کوردستانێ، ده‌ست ب ڤه‌كۆلینێن هویر كرینه‌، و ئه‌و ترۆمبێلا كه‌یا هاتییه‌ دیتن هه‌لگرا وان رووكێتان بوو، و د ئه‌نجام دا ده‌ركه‌فتییه‌ كو چوار كه‌س ئه‌نجامده‌رێن سه‌ره‌كیێن هێرشا تیرۆرستى بوون، ئه‌و شیاینه‌ ئێك ژ ئه‌نجامده‌رێن سه‌ره‌كیێن ب ناڤێ (حەیدەر حەمزە عەباس مستەفا بەیاتی) بهێته‌ ده‌سته‌ سه‌ر كرن كو دانپێدان ب تاوانا خوه‌ كرییه‌، و د پارچه‌ ڤیدیۆیه‌كێدا و ب شێوه‌یه‌كێ ته‌مام به‌حسێ چه‌وانییا ئه‌نجامدانا هێرشێ دكه‌ت.

پشتى هه‌ڤپشكرنا ئه‌نجامێن ڤه‌كۆلینێ دگه‌ل ده‌زگه‌هێن ئه‌منی یێن حكومه‌تا فیدرال و هه‌ڤپه‌یمانان، ئه‌نجامده‌ره‌كێ دییێ هێرشێ ژلایێ ده‌زگه‌هێن ئه‌منی یێن حكومه‌تا فیدرال هاته‌ ده‌سته‌ سه‌ركرن، دوو تاوانبارێن دى ژى ماینه‌ كو بزاڤ و دووڤچوونێن وان د به‌رده‌وامن، ژلایێ ده‌زگه‌هێن ئێمناهیێ ڤه‌ بۆ ده‌سته‌ سه‌ركرنا تاوانباران، ژبه‌ر ڤى هوكارى د دانپێدانێن  (حەیدەر حەمزە بەیاتی)دا  ناڤێ ئه‌نجامده‌رێن دى لادایه‌ و ئاشكرا نه‌كرییه‌.

‏

‏ئه‌ڤه‌ ژى  دەقێ دانپێدانانێن (حەیدەر حەمزە عەباس مستەفا بەیاتی)كو ئێكه‌ ژ تاوانبارێن سه‌ره‌كیێن هێرشا باژێرێ هه‌ولێرێ: