ھێلا شه‌مه‌نده‌فرێ دێ ل هه‌رێمێ هێته‌ دروستكرن

وەزیرێ ئاڤەدانکرن و ئاکنجیبوونێ یێ حکومەتا ھەرێما كوردستانێ دیار كر: وان داخوازنامه‌ بۆ سێ مەزنە کۆمپانیێن جیھانی ڤرێكرییه‌، داكو ھێلا شه‌مه‌نده‌فرێ ل هه‌رێما كوردستانی دروست بكه‌ن.

دانا عەبدولکەریم، د کۆنگرەکێ رۆژنامەڤانی دا زێده‌تر گۆت: ئەڤرۆ سێشىه‌مبى ب ره‌نگه‌كێ فەرمی دێ دوو کۆمپانیێن ئیسپانی و کۆمپانیه‌کا ئەلمانی داخواز كه‌ینه‌ کوردستانێ داكو ھێلا (شەمەندەفرێ) دروست بكه‌ن، ب دروستكرنا هیلا ئاسنى دێ ئاسانکاریێ بۆ ڤەگوھاستنا وەلاتییان و کارێن بازرگانی د ناڤبەرا پارێزگەھێن ھەرێما کوردستانێ دا کەن و ئه‌ڤ هێله‌ ئەگەرەکە ژی بۆ سلامەتییا ھاتنوچوونا وه‌لاتییان.

ناڤهاتى گوت ژی، تێچوویێ ڤی پرۆژەی دێ پتری ملیاره‌كا دۆلاران بیت، ئەڤ پرۆژە دێ ب سێ قووناغان هێته‌ جێبەجێ كرن.