پشتی ڤەکرنا دەرگەهێن قوتابخانه‌یان ل هەرێما کوردستانێ و دەستپێکرنا دەوامێ د ناڤ قوتابخانەیان دا ل هندەک قوتابخانەیان حالەتێن تووشبوون ب کۆرۆنایێ هاتنە تۆمارکرن ئێک ژ وان قوتابخانەیان ژی ل قەزا ئاکرێ بوویە.
سەباح زۆهێر، بەرپرسێ ڕاگەهاندنا ساخلەمییا قەزا ئاکرێ تایبەت بۆ خانی نیوز راگه‌هاند: پشتی کو دەرگەهێن قوتابخانان ل سنوورێ قەزا ئاکرێ ب روویێ قوتابییان هاتینە ڤەکرن؛ هه‌تا نوكه 14 مامۆستا و قوتابی تووشی کۆرۆنایێ بووینە، شەش ژ وان مامۆستا و هەشت ژى قوتابی بووینە.
سەباح زۆهێر گۆت ژی، ب تنێ ل قوتابخانەیا بنەرەت یا ناحیا بجیلێ هەشت مامۆستا و قوتابی تووشبووینە، پێنج ژ وان قوتابی و سێ ژی مامۆستا بووینە، و ل دووڤ بریارا ڕێڤەبەرییا ساخلەمییا ئاکرێ بریار هاتییە دان کو دەرگەهێ وێ قوتابخانەیێ بهێتە گرتن.
